Izanagi

Si Izanagi (イザナギ/伊邪那岐/伊弉諾) o Izanaki (イザナキ), pormal na midbid bilang Izanagi-no-Mikoto (伊邪那岐命/伊弉諾尊, nangangahulugan na "Siya na nang-imbitar" o an "Lalaking nang-imbitar"), iyo an kaglalang na dios (kami) kan parehong paglalang asin buhay sa mitolohiyang Hapones.Siya asin an saiyang agom asin tugang na babae na si Izanami iyo an huri sa pitong henerasyon nin mga primordyal na dios na nahayag pagkatapos na maestablisar an langit asin daga. Piggibo sinda Izanagi asin Izanami na mga kagmukna kan arkipelago nin Hapon asin mga progenitor kan dakul na mga dios, na kaiba an diyosang saldang na si Amaterasu, an bulan deidad na si Tsukuyomi asin an diyos nin bagyo na si Susanoo.